【電話入水 救機6部曲】

做電話維修，電話入水都是唔少人黎維修既問題。
入左水救唔救返?機會好多時都係5050，因為好多人部電話入左水之後，都唔知點做，亂咁噤，電話就好容易做成二次破壞。
所以，識得急救可以大大提升救機的機會。
我會教大家6個步驟，下次大家部電話唔小心入左水，唔好再亂咁噤喇

1.如果入水後，電話仍然開啓，立即關機。(因為水份會令電話短路，萬一破壞主板就好難救機)

2.拆電(如可以)

3.將Sim卡、SD卡托退出，把水吸乾。

4.要分析入的是咸水還是淡水。

咸水:

入咸水情況會比淡水嚴重，因為咸水有礦物質成份，容易侵蝕電子零件。所以，如果情況許可，請立刻到維修店(記得搵我地周百通)清洗。如果不方便立刻維修，請跟以下步驟:

1.切記不要封乾咸水。相反，最好用99%火酒衝洗，如沒有用淡水代替。不只洗表面，最重要是衝洗內部，可以從sim卡位灌入。

2.盡快到維修店清洗。

淡水:

淡水比起咸水破壞性相對低，不過，都要確保水份完全乾透，才好開機。

1.把電話放入密實袋，並加入米、貓沙等乾燥劑。

2.放進陰涼處幾天，待水完全風乾，才可嘗到開機。

如果成功開機，應立即把資料備份，因為電話入過水一般都不太穩定，電話隨時突然死亡。

下次電話入水，唔好慌，只要跟足以下步驟，救機機會自然大大提升。